சாட்சிகள்

நான் தேவனோடு நடந்துகொண்டிருந்தாலும், அதிகமான மனஅழுத்தத்திற்குள் சென்றுவிட்டேன். இதனால் மிகவும் மனமுடைந்து போன எனக்கு இயேசுவால் மட்டுமே சமாதானம் கொடுக்க முடியும் என்ற உறுதியான நம்பிக்கை இருந்தது. ஒன்றும் செய்ய இயலாத நிலையில், ஆராதனை பாடல்களை மட்டும் கேட்டு, ஆராதித்துக் கொண்டிருந்தேன். பின்னர், பிரசங்கங்களையும் கேட்கத் தொடங்கியபோது, எனக்கு புதியதொரு வழி திறந்தது.

“மாஸ்டர் டேபிள்” (Master’s Table) நிகழ்ச்சி அருமையாகவும், பக்திவிருத்தி அளிப்பதாகவும் இருந்தது. தேவன் அருளியிருக்கும் ஆயுதங்களைக் கொண்டு சோதனைகளை மேற்கொள்வதையும், தீய எண்ணங்களைக் கட்டுப்படுத்துவதையும் பற்றி கற்றுக்கொண்டோம். மிக்க நன்றி.

யூட்யூபில் உங்கள் நிகழ்ச்சிகளைப் பார்க்கத் தொடங்கியபோது, உண்மையான இஸ்ரவேலர்கள் இருக்கிறார்கள் என்று என் உள்ளுணர்வு சொல்லிற்று, ஆகவே, தேவனிடமிருந்து வரும் உங்கள் செய்திகள் அனைத்தையும் கேட்டு வருகிறேன்.

ஏஞ்சல் டிவி பார்ப்பது வாழ்க்கையில் முன்னேறிச் செல்ல உதவியாக இருக்கிறது, ஏஞ்சல் டிவி மூலம் நான் பல புதிய காரியங்களைக் கற்று வருகிறேன். உங்கள் நிகழ்ச்சிகள் மூலம் ஆவியில் நல்ல உற்சாகம் கிடைக்கிறது. எங்களுக்காக நீங்கள் எடுக்கும் எல்லா முயற்சிகளுக்காகவும் நன்றி.

என் குடும்பத்தின் ஆவிக்குரிய வாழ்க்கையை உருவாக்குவதில் ஏஞ்சல் டிவி முக்கிய பங்கு வகித்திருக்கிறது. நீங்கள் சுவிசேஷம் அறிவிப்பது குறிப்பாக கிறிஸ்து இயேசுவின் இரண்டாம் வருகையில் கவனம் செலுத்துகிறது. அனைத்துமே தேவனுடைய பெரிதான மகிமைக்கே!

நீங்கள் சுகத்திற்காக ஜெபித்து, என் பெயரையும், நான் சந்தித்து வரும் கட்டுகளையும் தீர்க்கதரிசனமாக உரைத்தபோது, எனக்குச் சமாதானம் கிடைத்தது. இப்போது நான் சத்துருவின் தாக்குதல்களிலிருந்து விடுவிக்கப்பட்டிருக்கிறேன். தேவனுக்கே மகிமை!

சுகமளிக்கும் ஆராதனையைப் பார்த்துக் கொண்டிருந்தபோது, என் அறையில் கருமையான ஒரு உருவம் தோன்றியது. மரண ஆவி என்னைத் தாக்க, என்னைச் சுற்றிலும் கருமையான நிழல்கள் நிற்கக் கண்டேன். என் சரீரத்தை சத்துரு தாக்கிக் கொண்டிருந்தான். இப்படி நடந்து கொண்டிருக்கையில், நான் மயங்கிவிட்டேன். நிகழ்ச்சி முடியும்போது சரியாக அந்தத் தாக்குதலும் நின்று போனது, நான் இருளிலிருந்து விடுவிக்கப்பட்டேன். என்னைச் சுகமாக்கி விடுவித்த கர்த்தராகிய இயேசு கிறிஸ்துவுக்கு நன்றி தெரிவிக்க விரும்புகிறேன்.

உங்கள் ஊழியம் எனக்கு ஆசீர்வாதமாக இருக்கிறது. தினமும் உங்கள் போதனைகளைக் கேட்டு வருகிறேன். அவை சமநிலையிலும், தூய்மையாகவும் உள்ளன. தேவனுக்கே மகிமை!

இயேசு ஊழியங்களின் போதனைகளைக் கேட்க ஆரம்பித்தது முதல் என் வாழ்க்கை மறுரூபமாகியிருக்கிறது. நன்றி தேவனே!

யூட்யூபில் உங்கள் சேனலைப் பார்க்க ஆரம்பித்தது முதல் உங்களுடைய சில பிரசங்கங்களைக் கேட்கிறேன். அவை எனக்கு ஆசீர்வாதமாக இருக்கின்றன.

உங்கள் காணொளிகளைத் தொடர்ந்து பார்த்து வருகிறேன், உங்கள் பிரசங்கம் ஒவ்வொரு முறையும் எனக்குப் புது பலத்தையும், புதிய கண்ணோட்டத்தையும் கொடுக்கிறது. என் கணவர் மது அருந்தும் பழக்கத்தை விட்டு, வேதம் வாசிப்பதில் அதிக ஆர்வம் காண்பிக்கிறார் என்பதை மகிழ்ச்சியுடன் தெரிவித்துக்கொள்கிறேன். ஆண்டவராகிய இயேசு கிறிஸ்துவுக்கு நன்றி.

தீர்க்கதரிசன மாநாட்டின் செய்திகள் என் வாழ்க்கைக்கு ஆசீர்வாதமாக இருந்தன, நான் செய்ய வேண்டும் என்று தேவன் விரும்பும் காரியங்களை எனக்குத் தெளிவாக்கின. அதோடு, தீர்க்கதரிசி ஜெபித்தபோது எனக்கு இருந்த வறட்டு இருமலிலிருந்து சுகம் கிடைத்தது. தேவன் என்னைச் சுகமாக்கியதற்காக அவருக்கு நன்றி.

நான் ஏஞ்சல் டிவி பார்த்து வருகிறேன், அது என் ஆவிக்குரிய ஆத்துவைப் போஷிப்பதோடு ஆவிக்குரிய வளர்ச்சிக்கும் உதவுகிறது. தேவனுக்கே மகிமை!

யூட்யூபில் வரும் சாது ஐயாவின் செய்திகள் எனக்கு ஆசீர்வாதமாக இருக்கின்றன, அவை என் ஆவிக்குரிய பயணத்திற்கு உதவியாக இருந்து, கர்த்தருக்குள் என்னை பலப்படுத்துகின்றன.

ஏஞ்சல் டிவி பார்க்கத் தொடங்கியது முதல் நான் தேவனிடமிருந்து அநேக ஆசீர்வாதங்களைப் பெற்றுக்கொண்டிருக்கிறேன். எனக்குத் திருமணமானது, எங்களுக்கு ஒரு பெண் குழந்தையைக் கொடுத்து தேவன் ஆசீர்வதித்தார். என் மனைவி மீண்டும் கர்ப்பந்தரித்து, இன்னும் இரண்டு குழந்தைகளைப் பெற்றெடுத்தாள். தேவனுக்கே மகிமை!

ஒவ்வொரு முறை ஏஞ்சல் டிவி பார்க்கும்போதும், இனிமையான பரிசுத்த ஆவியானவர் உங்கள் மூலமாகப் பேசி என்னைப் புதுப்பிப்பதை உணருகிறேன். தேவனுக்கே மகிமை!

திரித்துவம் பற்றிய வியத்தகு சத்தியம் என் மனம், ஆவி மற்றும் சரீர ஆற்றலை அதிகரித்திருக்கிறது. அந்தப் போதனை முழுவதும் எனக்கு அதிக உள்ளுணர்வையும், புத்தியையும் கொடுத்து, என் ஞானத்தையும், அறிவையும் அதிகரிக்கச் செய்திருக்கிறது; மிக அருமையான போதனை. தேவனுக்கே மகிமை!

“மாஸ்டர் டேபிள்” (Master’s Table) நிகழ்ச்சியைப் பார்த்து வருகிறேன், உங்கள் போதனை என் மனக்கண்களைத் திறந்திருக்கிறது. தேவனுக்கே மகிமை!

உங்களுடைய தீர்க்கதரிசன வார்த்தைகளை ஒரு யூட்யூப் வீடியோவில் பார்த்தேன். அந்த வீடியோவின் இறுதியில் சகோ. சாது அவர்கள் குணமாக்கும் அற்புதங்களைச் செய்யும் வரங்களைப் பற்றிப் பேசியபோது, என் தலை முதல் பாதம் வரை நடுங்குவதை உணர்ந்தேன். தேவனுக்கே மகிமை!

நேரலை ஆராதனையின்போது, நான் ஒரு புதிய நிலையில் அபிஷேகம் பெற்றுக்கொண்டேன். சர்வவல்லமையுள்ள தேவனுக்கு முன்பாகவே நிற்பது போல என் ஆவியில் உணர்ந்தேன், அதை வார்த்தைகளால் விவரிக்க முடியாது. ஆவியானவரை அதிகம் உணர்ந்த நான், ஒவ்வொரு சர்வாயுதவர்க்கமாக என் சரீரத்தில் இணைவதை என் ஆவியில் பார்த்தேன். இறுதியாக, தேவனுடைய சர்வாயுதவர்க்கம் முழுவதும் என்மேல் இருந்தது. தேவனுக்கே மகிமை!

நேரலை ஒளிபரப்பில், நீங்கள் ஜெபித்தபோது, பரலோகத்திலிருந்து பரிசுத்த எண்ணெய் என் தலையின் மீது ஊற்றப்படுவதை உணர்ந்தேன். தேவனுடைய வல்லமையும் இறங்கியது, என் தலை முதல் முழு சரீரமும் நடுங்கத் தொடங்கியது. நேரலை முடிந்த பின்பும், தேவ ஆவியானவர் என் சரீரத்தில் கிரியை செய்து கொண்டிருந்தார், தேவனுடைய வார்த்தைகள் வெளிப்பட்டன. தேவனுக்கே மகிமை!

ஏஞ்சல் டிவி நிகழ்ச்சிகள் ஒன்றில் ஜெபநேரத்தின்போது, அதிகமான அபிஷேகத்தை உணர்ந்தேன். என் கைகளும், சரீரம் முழுவதும் நடுங்கின. இந்த மகத்துவமான அனுபவத்திற்காக தேவனைத் துதிக்கிறேன்.

தேவமனிதர் வலது கரத்தில் சுகம் இருப்பதை பற்றி தீர்க்கதரிசனமாக உரைத்தபோது, என் வலது கையிலும் கூச்செறியும் உணர்வு உண்டாயிற்று. அதற்கு முன், என் மனைவிக்கு படுக்கும்போது கை மற்றும் கால் விரல்களின் நுனியில் ஒருவித கூச்ச உணர்வு ஏற்பட்டுக் கொண்டிருந்தது. அவளும் நான் அதற்காக ஜெபிக்கும்படி காத்திருந்தாள். நான் அவள் மீது என் கையை வைத்து ஜெபித்தபோது, மிகுதியான அபிஷேகம் வெளிப்பட்டது. தேவனுக்கே மகிமை!

நேரலை நிகழ்ச்சியில், சுவிசேஷ ஊழியர்களுக்காக நீங்கள் ஜெபித்தபோது, என் உள்ளம் உடைந்தது. இவ்வளவு காலமும், ஏதோ எனக்கு தெரிந்த சிறிய வழியில் தேவனுடைய பணியை செய்து வருகிறேன், அது சரியாகத்தான் இருக்கும் என்று நினைத்திருந்தேன். ஆனால், நான் செய்தது தவறு என்பதும், அது தேவனுடைய சித்தமல்ல என்பதும் எனக்குத் தெரியவே இல்லை. இப்போது அதை அறிந்துகொண்டதால் தேவனுக்கு நன்றி செலுத்துகிறேன். அதை எனக்கு வெளிப்படுத்திய தேவனுக்கு மகிமை.

நேரலை ஆராதனையில், உங்கள் செய்தியின் முடிவில் எங்களுக்காக ஜெபித்தீர்கள். எங்கள் மீது தேவனுடைய அக்கினியும், அபிஷேகமும் இறங்குமாறு நீங்கள் ஜெபித்தபோது, என் தலையிலிருந்து, முகத்திற்கும், கழுத்துப் பகுதிக்கும் எண்ணெய் போன்ற ஒன்று வழிந்து வருவதாக உணர்ந்தேன், என் சரீரம் முழுவதும் எரிகிற உணர்வும் ஏற்பட்டது. என் வாழ்க்கையில் இருக்கும் தேவனுடைய ஆசீர்வாதத்திற்காக அவருக்கு நன்றி.

நான் ஏஞ்சல் டிவி பார்த்துக்கொண்டிருந்தபோது, ஆதியாகமத்தில் பதிவு செய்யப்பட்டுள்ள உலகத்தின் சிருஷ்டிப்பைப் பற்றி நீங்கள் குறிப்பிட்டீர்கள். அது என் வாழ்க்கையில் வேதத்தை அதிகமாக அறிவதற்கான படியாக விளங்கியது. நான் தாவரவியலில் இளங்கலை பட்டம் பெற்றிருக்கிறேன், அதனால் தாவரங்கள் எப்படி உருவாயின என்பதை வேதத்திலிருந்து கற்றுக்கொள்வது அருமையாக இருந்தது. தேவனுக்கே மகிமை!

வெளிப்படுத்தின விசேஷம் குறித்த உங்கள் போதனை வகுப்புகளுக்கு பதிவு செய்யும் பாக்கியம் எனக்குக் கிடைத்தது. அது என் மனக்கண்களை வெகுவாகத் திறந்தது, இயற்கைக்கு அப்பாற்பட்ட உங்கள் போதனைகளைக் கேட்க ஆவலாய்க் காத்திருக்கிறேன். தேவனுக்கே மகிமை!

உங்களுடைய தீர்க்கதரிசன வேளை நிகழ்ச்சிகளைப் பார்த்ததன் மூலம், இயேசு கிறிஸ்து தற்கொலை, மனஅழுத்தம், கட்டாய மனப்பிறழ்வு, பாலியல் முறைகேடு, பொறாமை மற்றும் மனிதனின் அங்கீகாரத்தை நாடுதல் ஆகியவற்றிலிருந்து என்னை விடுவித்தார். நீங்கள் அந்தக் காணொளியில் பேசியவற்றில் சில காரியங்கள் என் மனதின் பின்னணியில் இருந்ததைக் குறித்து ஆச்சரியமடைந்தேன். நான் விசுவாசியாகி சிலகாலம் மட்டுமே ஆகியிருக்கும் நிலையில், நீங்கள் பகிர்ந்துகொண்ட அனைத்தும் என் இருதயத்தை உருவக் குத்தின, நான் மாற வேண்டியது அவசியமாக இருக்கிறது. காணொளியின் முடிவில், எங்களுக்காக நீங்கள் ஜெபித்தபோது, என்னால் அழுகையைக் கட்டுப்படுத்தவே முடியவில்லை. தேவனுடைய ஆச்சரியமான கிரியைகளுக்காக அவருக்கு மகிமை!

உங்களுடைய ஆன்லைன் செய்திகள் மூலம் நான் புத்துணர்வு அடைந்திருக்கிறேன். கர்த்தருடைய வருகைக்கு ஆயத்தமாகக் காத்திருப்பதைப் பற்றி நீங்கள் பிரசங்கித்த அபிஷேகம் நிறைந்த வார்த்தைகள் மூலம் என் ஆவி உயிர்ப்பிக்கப்பெற்று, எழுப்புதல் அடைந்தது.

நான் பல வருடங்களாக உங்கள் நிகழ்ச்சிகளைக் கவனித்து வருகிறேன். உங்கள் ஊழியம் மட்டும் இல்லாதிருந்தால், எப்படி இவ்வளவு நாள் இருந்திருப்பேன் என்றே தெரியவில்லை. என் ஆத்துமா உற்சாகமடைந்திருக்கிறது, பரம அழைப்பை நோக்கி முன்னேறிச் செல்ல நான் ஆயத்தமாயிருக்கிறேன். தேவனுக்கே மகிமை!

அருமையான தீர்க்கதரிசன மாநாடு எனக்கு ஆசீர்வாதமாக இருந்தது. நாம் வஞ்சிக்கப்பட்டுப் போகாதபடிக்கு, தினமும் பரிசுத்த ஆவியானவரின் சத்தத்தைக் கேட்பது எவ்வளவு அவசியம் என்பதை உணர்ந்துகொண்டேன்.

சுவிசேஷக மாநாடு நன்றாக இருந்தது. அது என் இருதயத்தை மறுரூபமாக்கி, எதிர்காலத்தைப் பற்றிய பெரிய நம்பிக்கையைக் கொடுத்தது. என் இருதயம் சுகமடைந்ததை உணர்ந்தேன், என்னைப் புண்படுத்தியவர்களை மன்னிக்காமல் இருந்த பாரம் என்னை விட்டு நீங்கியது, என் மனம் குளிர்ந்ததைப் போல இருந்தது. அத்துடன், அதற்கு முந்தின நாள், என் துன்மார்க்க மனமும், இருதயமும் கர்த்தருடைய இருதயத்தைப் போல மாற வேண்டுமென்று தேவனிடம் ஜெபித்திருந்தேன்.